12/29/2013



  കോപിഷ്ഠന്‍
ഗമക്കാരന്‍
പത്രാസുക്കാരന്‍
ദേഷ്യക്കാരന്‍
തന്നിഷ്ടക്കാരന്‍
ചുമ്മാ പിണങ്ങുന്നവന്‍.

പിന്നെ...
അഹങ്കാരി
താന്തോന്നി
വായാടി
തെമ്മാടി
എന്നെക്കുറിച്ച്
ഇനിയുമെന്തല്ലാം
സാര്‍ഥകമായ ഭാഷാഘടകങ്ങളാണ്
അവര്‍ പ്രയോഗവല്‍കരിച്ചിരിക്കുന്നത് !.
...അവരങ്ങിനെയാണ്...
 പക്ഷെ  ഇന്ന് നീയും....!!

നിന്നെയറിവില്‍ , ഞാന്‍
വികാസിതനായത് കൊണ്ട്
ഞാനും സമ്മതിച്ചുതരുന്നു
ഞാനിതല്ലാമാണെന്ന് !.
എങ്കിലുമൊന്നോര്‍ക്കുക ,
നിന്‍റെ കാഴ്ചയിലെ കാഴ്ചയില്‍ 
 ഒരു പടുവൃക്ഷമായി മാറിയ  
ഈ ദേഹത്തിലുമുണ്ടൊരു മനസ്സ് 
ഒരു കുഞ്ഞുമനസ്സ് .

നിന്‍റെ 
വര്‍ണ്ണ കാഴ്ചകളില്‍ 
 കാണാതെപോയ ,
നിറമില്ലാത്ത 
സ്വപ്നങ്ങള്‍ക്ക് മീതെ സഞ്ചരിക്കുന്ന ,
ആരെയും കാണിക്കാതെ
ഇന്നോളം സൂക്ഷിച്ചു വെച്ച ,
കണ്ണീരിന്‍റെ ഉപ്പുകലര്‍ന്ന ,
പച്ചമാംസത്തിന്‍റെ  ഗന്ധമുള്ള ,
കാലക്രമത്തില്‍
വിടരുകയും പൂക്കുകയും
ഇലപോഴിക്കുകയും
മഞ്ഞും മഴയും വര്‍ഷിക്കുകയും
ചെയ്യുന്ന ,
വെയിലത്ത്‌ വാടാതെയും
കാറ്റത്ത് ആടിയുലയാതെയും
നിങ്ങള്‍ക്കായ് 
ഞാന്‍ കാത്തു സൂക്ഷിച്ച ,
നിന്‍റെ  സ്വന്തമെന്നു
ഞാനഹങ്കരിച്ച
 തങ്കമനസ്സ് ...ലോലമനസ്സ് !.

വളര്‍ന്നു പന്തലിച്ച്
ആല്‍മരമായിമാറിയ
എന്നിലെ സത്യങ്ങളില്‍ നിന്നും 
തണലും പ്രാണവായുവും
വേണ്ടുവോളം ആസ്വദിച്ചിട്ടും...
എന്നിട്ടും...നീ . 

നിന്‍റെ പുച്ഛത്തിനുമീതെ ,
നീ  സ്വയം ചെറുതാകുകയാണ് -
എന്നിലെ നിന്നെ കാണാതെ
നേര്‍ത്ത്‌ , തുരുമ്പിച്ചുകൊണ്ടിരിക്കുന്ന 
എന്‍റെ മനോവേദനകളെ  കാണാതെ  
അതിനെക്കുറിച്ചന്വോഷിക്കാതെ
ഒട്ടും പരിഭാവപ്പെടാതെ
നീ -
നിന്‍റെ വേദനകള്‍ മാത്രം
പരതികൊണ്ടിരിക്കുന്നു-
ഒരിക്കലും 
അവസാനിക്കാത്ത മോഹങ്ങളുടെ !!!


<<<>>>
പ്രേരണ  : പ്രവാസി 
പ്രേരകന്‍ :  ഒരു സതീര്‍ത്ഥ്യന്‍ 
<<<>>>
@srus..ഇരുമ്പുഴി 

18 അഭിപ്രായ(ങ്ങള്‍):

  1. വളര്‍ന്നു പന്തലിച്ച്
    ആല്‍മരമായിമാറിയ
    എന്നിലെ സത്യങ്ങളില്‍ നിന്നും
    തണലും പ്രാണവായുവും
    വേണ്ടുവോളം ആസ്വദിച്ചിട്ടും...
    എന്നിട്ടും...നീ . ASHAMSKAL DEAR

    ReplyDelete
  2. അവനവന്‍റെ താല്പര്യങ്ങള്‍ സംരക്ഷിക്കാന്‍ ചെയ്തുകൊടുത്ത ഉപകാരങ്ങളെല്ലാം മറക്കുന്നു.തള്ളിപ്പറയുന്നു.
    നന്നായി രചന
    ആശംസകള്‍

    ReplyDelete
    Replies
    1. പ്രവാസിയുടെ ഉപകാരങ്ങള്‍ ഒരിക്കലും ഗണിക്കപ്പെടാറില്ല !
      നന്ദി തങ്കപ്പന്‍ ചേട്ടാ ...:)

      Delete
  3. ഒരിയ്ക്കലും അവസാനിക്കാത്ത മോഹങ്ങളുടെ വേദന ചിലര്‍ക്ക്
    സാധിപ്പിച്ചുകൊടുക്കാന്‍ കഴിയാത്ത മോഹങ്ങളുടെ വേദന ചിലര്‍ക്ക്

    ReplyDelete
    Replies
    1. യെസ് ...അതാണ്‌ പ്രവാസം !!
      നന്ദി അജിതേട്ടാ :)

      Delete
  4. ഒരിക്കലും ആവസനിക്കാത്ത മോഹങ്ങളുടെ കലവറ പ്രവസി..

    ReplyDelete
    Replies
    1. അതെ..ഷട്ടര്‍ വീഴുന്നതു വരെ തീരാത്ത മോഹങ്ങള്‍ ! :)

      Delete
  5. പ്രവാസിയെല്ലാമങ്ങ് സമ്മതിച്ചേക്കണം.ആരെന്തു പറഞ്ഞാലും.എന്നാ വല്യ മനഃപ്രയാസമില്ലാതെ കഴിക്കാം.ഹ...ഹ..

    നല്ല കവിത

    പുതുവത്സരാശംസകൾ...

    ReplyDelete
    Replies
    1. അതെ അതെന്നെ :D
      നന്ദി സൗഗന്ധികം

      Delete
  6. യു ടൂ ബ്രൂട്ടസ്..

    ReplyDelete
    Replies
    1. :))
      നന്ദി ശ്രീജിത്ത്‌ :)

      Delete
  7. ആളു പുലിയാണല്ലേ ... നന്നായി വരക്കും എന്നല്ലാതെ ഇത്രയും നന്നായി കവിതകള്‍ എഴുതും എന്നത് പുതിയൊരു അറിവാണ്. ഇഷ്ടമായി

    ReplyDelete
    Replies
    1. പുലിയോന്നുമല്ല ..ചുമ്മാ എഴുതിയതാ !
      ഇഷ്ടായതില്‍ സന്തോഷം ..
      തിരിച്ചതിയത്തില്‍ അതിലേറെ സന്തോഷം ...
      നന്ദി വേണുവേട്ടാ :)

      Delete
  8. (h) ഗംഭീരം എന്ന് പറയാന്‍ കഴിയില്ലെങ്കിലും ആ സ്പാര്‍ക്ക് എനിക്കിഷ്ട്ടപ്പെട്ടു ഭാഷാ ഘടകങ്ങള്‍ എന്നതിന് പകരം വിശേഷണം എന്നല്ലേ ആപ്റ്റ് ആയതു..
    എന്തായാലും ഇനിയും എഴുതുക...
    ഷിരൂസ് വിഷസ്.....///

    ReplyDelete
    Replies
    1. നന്ദി ഷിറാസ് ...നല്ല അഭിപ്രായത്തിനു , കാഴ്ചപാടിന് :)

      Delete

അഭിപ്രായം , അത് എന്തുതന്നെ ആയാലും തുറന്നു പറയൂ ,
ധീരതയോടെ...അതാണ്‌ എനിക്കിഷ്ടവും!
thankz in adv ;)

copy block