3/02/2014

മോഹന്‍ ചേട്ടനുള്ള അസ്രൂസമ്മാനം 

           ഒരു പതിറ്റാണ്ടത്തെ പ്രവാസ ജീവിതം അവസാനിപ്പിച്ചുകൊണ്ട് മോഹനണ്ണന്‍ (മോഹന്‍ ചേട്ടനെ എല്ലാവരും അങ്ങിനെയാണ് വിളിക്കുന്നത്‌ ) ഇന്നലെ നാട്ടിലേക്ക് യാത്രയായി .

തമിഴ്നാട് പൊള്ളാച്ചിക്ക് അടുത്തുള്ള കോവില്‍പെട്ടി സ്വദേശിയായ അദ്ദേഹം അതിജീവനത്തിന്റെ അല്ലെങ്കില്‍ ഉപജീവനത്തിന്റെ അതി തീഷ്ണമായ കനലുമായാണ് കഴിഞ്ഞ പത്തു വര്‍ഷക്കാലം സൌദിയില്‍ ജീവിച്ചു പോന്നത് .

ഹോസ്പിറ്റല്‍ ക്ലീനിംഗ് ജോലിക്കായി നാന്നൂര്‍ റിയാല്‍ ശമ്പള സ്കൈലിലാണ് അദ്ദേഹം ഇത്രയും കാലമത്രയും ജോലി നോക്കിയത് എന്ന് അറിയുമ്പോള്‍ ആ കനല്‍ നമ്മളിലും ജ്വലിച്ചു കൊണ്ടേയിരിക്കും !. ഇവിടെ മാസം മൂവായിരവും റിയാലും (മിക്കപ്പോഴും  അതില്‍ കൂടുതലും)  റൂമും മറ്റു ചിലവുകള്‍ക്കുള്ള വിഹിതവും  കിട്ടിയിട്ടും പരിഭവം പറയുന്ന പ്രവാസികളെ  കൂടി നാം ഇതിനോട് ചേര്‍ത്ത് വായിക്കണം . 

കേരളത്തിലെ മൂന്നാര്‍ തോട്ടം മേഖലകളില്‍ ജോലിക്കാരായിരുന്നത്രേ  അദേഹത്തിന്റെ കുടുംബാംഗങ്ങളില്‍ മിക്കവരും .അത് കൊണ്ട് തന്നെ കേരളത്തെയും കേരള ജനതയെയും അതിരുറ്റ ബഹുമാനത്തോടെയാണ് അദ്ദേഹം നോക്കികണ്ടത് . 

ഉറ്റവര്‍ക്ക്‌ തണലേകാന്‍ സ്വയം കത്തിയരിയുന്ന പ്രകാശമാണ് പലപ്പോഴും  പ്രവാസ ജീവിതങ്ങളില്‍ മിക്കതും. ശരിക്കും എവിടുന്നാണ് പ്രവാസത്തിന്റെ തുടക്കം?,  സ്വന്തം ജനമനാടും അതിന്റെ  ഗന്ധവും വിരഹവുമായി ചേര്‍ന്ന് നോക്കാത്താ ദൂരത്തു കണ്ണുംനട്ട് ഇരിക്കുമ്പോഴാണ്   നമ്മള്‍ പ്രവാസത്തെ കുറിച്ച് ബോധോദയം ഉണ്ടാവുന്നത് . അപ്പോള്‍ നഷ്ട ബോധങ്ങളാണ് പ്രവാസത്തിന്‍റെ കാതല്‍  !.  അങ്ങിനെയെങ്കില്‍ സ്വര്‍ഗം നഷ്ടമായ ആദവും ഹവ്വയുമായിരിക്കും ഭൂമിയിലെ ആദ്യ പ്രവാസികള്‍ അല്ലേ !!.

പറഞ്ഞാലും എണ്ണിയാലും തീരാത്തത്രയും പ്രവാസകഥകള്‍ നമുക്ക് ചുറ്റുമുണ്ട് .അതിലെ ഒരു സുപ്രധാമായ ഒന്നാണ്  മജ്ഹൂലുകള്‍  ( താമസ രേഖകള്‍ കയ്യിലില്ലാത്തവര്‍ ) . ജോലി എടുപ്പിക്കുന്നവന് ലാഭാകരമാവുന്നതാണ് മജ്ഹൂല്‍ തൊഴിലാളികളുടെ സേവനം. കാരണം, ഇവര്‍ക്ക് ശമ്പളം മാത്രം നല്കിയാന്‍ മതി ( അതും വളരെ കുറവ് വേതനം ) മറ്റ് ആനുകൂല്യങ്ങക്ക് ഇവര്‍ അന്യമാണ് . 

സൌദിയിലെ തൊഴില്‍ പരിഷ്കരണമായ നിതാഖാത്ത് ഇത്തരം അനധികൃതമായ തൊഴില്‍ ചൂഷണങ്ങള്‍ ഒരു പരിധിവരെ കുറക്കാന്‍ സഹായമായിട്ടുണ്ട് . എങ്കിലും സൌദിയുടെ ചില തൊഴില്‍ മേഖലകളില്‍ ഇപ്പോഴും മജ്ഹൂലുകള്‍ സജീവമാണ്, പ്രത്യേകിച്ച് നിര്‍മാണ മേഖലകളില്‍ . 

ഇന്ന് എനിക്ക് ആ മേഖലയില്‍ നടക്കുന്ന  ഒരു ദാരുണമായ ഒരു സംഭവം കാണേണ്ടി വന്നു . വാര്‍പ്പിനു വേണ്ടി കെട്ടിടത്തിനു മുകളില്‍ കമ്പി കെട്ടികൊണ്ടിരുന്ന ഒരു യമന്‍ തൊഴിലാളി ,യാദൃക്ഷികമായി  കമ്പിയുടെ ഒരറ്റം അതിനു മുകളിലൂടെ പോകുന്ന 110 kv ലൈനില്‍ തട്ടി ഷോക്കേറ്റു അതിദാരുണമായി മരണപ്പെട്ടു . ശേഷം ഉണ്ടാവുന്നത് നമുക്ക് ഊഹിക്കാം . ഉറ്റവര്‍ക്ക്  ഒരു നോക്ക് കാണുവാന്‍ അവസരം കിട്ടുന്നത്  പോയിട്ട് ആരും അറിയുകപോലുമില്ല ഇത്തരം മരണങ്ങള്‍ !.

മനസ്സില്‍ കറങ്ങിത്തിരിയുന്ന പ്രവാസ നൊമ്പരങ്ങള്‍ അവര്‍ക്കൊപ്പം മണ്ണില്‍ അലിഞ്ഞുചേര്‍ന്ന പോകുന്നു ...ഒരു ചാറ്റല്‍മഴക്കും മുളപൊട്ടാന്‍ സാധിക്കാത്തവിധം. അതില്‍ അമ്മയുടെ സ്നേഹവും ഭാര്യയുടെ പ്രതീക്ഷകളും അച്ഛന്റെ താങ്ങും മക്കളുടെ തണലും എന്നെന്നേക്കുമായി അവസാനിച്ചു പോകുകയും ചെയ്യുന്നു...ഒന്ന് നെടുവീര്‍പ്പിടാന്‍ പോലും സാധിക്കാതെ.

പ്രവാസം അവസാനിപ്പിക്കാനുള്ള  മോഹന്‍ ചേട്ടന്റെ ഈ തീരുമാനം , യുവത്വം കടം പറഞ്ഞു വാര്‍ദ്ധക്യം വിലക്ക് വാങ്ങുന്ന ഏതൊരു പ്രവാസിക്കും നല്ലൊരു സൂചനയാണ്.
എക്സിറ്റ് അടിച്ചു (അത് ഇവിടെ വായിക്കാം ) കിട്ടാന്‍ അദ്ദേഹം ഒരുപാട് നടന്നെങ്കിലും അദ്ദേഹത്തിന്റെ കമ്പനി അതി 'വളവന്മാര്‍ ' ആയതു കൊണ്ട് ലീവില്‍ പോയി ഇനി വരണ്ടെന്ന് പറയുകയാണ്‌ ചെയ്തത് !. ഇതും  ഒരു മജ്ഹൂല്‍ ജീവിതം തന്നെയാണ് !!.

മോഹനണ്ണന് നല്ല ആശംസകളോടെ ...
അസ്രൂസ് & ടീംസ് :)







28 അഭിപ്രായ(ങ്ങള്‍):

  1. ആശംസകള്‍ മാത്രം!
    അല്ലാതെന്ത് പറയും. അല്ലേ?

    ReplyDelete
    Replies
    1. ചില ജീവിതങ്ങള്‍ക്ക് മുന്നില്‍ ,പകച്ചു നില്‍ക്കാനേ കഴിയൂ..
      നന്ദി അജിതേട്ടാ .. :)

      Delete
  2. ആശംസകൾ അസ്രു

    ReplyDelete
    Replies
    1. :) നന്ദി കൊമ്പന്‍

      Delete
  3. Replies
    1. നന്ദി ഡോക്ടര്‍ :)

      Delete
  4. അങ്ങനെ എത്രയെത്ര ജീവിതങ്ങള്‍....
    വീണ്ടും കണ്ടുമുട്ടാത്തവരാണെങ്കില്‍ കാലം പോകപ്പോകെ അവരെല്ലാം മനസ്സില്‍ നിന്ന് മറഞ്ഞുപോകുന്നു.അതാണനുഭവം.
    സൌദിയിലെ ഓയില്‍ റിഫൈനറിയില്‍ അപകടത്തില്‍പ്പെട്ടു മരണപ്പെട്ട രണ്ടു ദുരന്തചിത്രം ഇതു വായിച്ചപ്പോള്‍ മനസ്സില്‍.....
    നല്ലതുവരട്ടെ.
    ആശംസകള്‍

    ReplyDelete
    Replies
    1. 'മരണപ്പെട്ട രണ്ടു പാക്കിസ്ഥാനികളുടെ' എന്ന് ചേര്‍ക്കാന്‍ വിട്ടുപോയി.

      Delete
    2. ശരിയാണ് തങ്കപ്പന്‍ ചേട്ടാ ...പറഞ്ഞാലും പറഞ്ഞാലും തീരില്ല :(

      Delete
  5. മിനിയാന്നത്തെ അറബ് ന്യൂസ് പത്രത്തില്‍ ഒരു വാര്‍ത്ത കണ്ടിരുന്നു. പഴയ ഒരു 'മസ്ര' പുതിയ ടീം വാങ്ങി അവിടെ ജെസിബി ഉപയോഗിച്ച് മണ്ണ് നിരപ്പാക്കുന്നതിനിടയില്‍ ഒരു അസ്ഥികൂടം ലഭിക്കാനിടയായി. മൃഗത്തിന്റെ ആണെന്ന് ആദ്യം കരുതിയിരുന്നെങ്കിലും മനുഷ്യന്റെ അടിവസ്ത്രം കൂടി ലഭിച്ചതോടെ കൂടുതല്‍ തെരച്ചില്‍ നടത്തിയപ്പോള്‍ അഞ്ച് അസ്ഥികൂടങ്ങള്‍ മൊത്തം കണ്ടെടുത്തു. പോലീസിന്റെ അന്വേഷഷനത്ത്തില്‍ 2010ല്‍ എന്തോ തര്‍ക്കത്തിന്റെ പേരില്‍ അഞ്ചുപേരെയും തല്ലി അവശരാക്കി ജീവനോടെ കുഴിച്ചിടുകയായിരുന്നു എന്ന് തെളിഞ്ഞു. ഇപ്പോള്‍ 25ഓളം പേരെ ഈ കേസില്‍ അറസ്റ്റ് ചെയ്തിരിക്കുന്നു. ഇന്നലെ മലയാള പത്രങ്ങളില്‍ വന്നത് അഞ്ചുപേരും മലയാളികള്‍ ആയിരുന്നു എന്നാണ്.
    പെട്ടെന്ന് പ്രവാസി എന്ന് കേട്ടപ്പോള്‍ ഇതാണ് ഓര്‍മ്മ വന്നത്.

    ReplyDelete
    Replies
    1. ഞാനും വായിച്ചിരുന്നു ..അറിയാതെയും കാണാതെയും പോകുന്നത് ഇതിലും കൂടുതല്‍ ഉണ്ടാവുമല്ലേ !
      നന്ദി റാംജി

      Delete
  6. Replies
    1. നന്ദി രാജേഷ്‌ :)

      Delete
  7. മറ്റുള്ളവര്‍ക്ക് സ്വജീവിതം
    വിട്ടുകൊടുക്കുന്നവന്‍
    പ്രവാസി!..rr

    ReplyDelete
  8. മജ്ഹൂൽ ! ആദ്യമായാണ് ആ വാക്ക് കേൾക്കുന്നത്. ഗൾഫ് രാജ്യങ്ങളുടെ സമ്പന്നതയെ കുറിച്ചാണ് പലരും വാചാലരാവാറുള്ളത്. അതിനു പിന്നിൽ ഇത്തരത്തിലുള്ള നഗ്നമായ ചൂഷണങ്ങളും അടിച്ചമർത്തലുകളും മൂടിവെക്കലുകളും കൂടിയുണ്ടെന്ന് ഇത്തരക്കാർ ഓർക്കാറില്ല.

    മോഹനണ്ണൻ രക്ഷപ്പെട്ടു എന്ന് തന്നെ കരുതുക.

    ReplyDelete
    Replies
    1. അതെ ..അതാണ്‌ സത്യം . പാവം ഇനി തിരിച്ചു വരാതിരിക്കെട്ടെ !
      നന്ദി മനോജ്‌ :)

      Delete
  9. അസ്രുസ് , ഇവിടെ ഈ മരുഭൂമിയിൽ എത്തിയശേഷം ഇത്തരം കഥകൾ ധാരാളം ഞാൻ കേട്ടു . പലതും നമ്മുടെ നാട്ടിൽ ആൾക്കാർ വിശ്വസിക്കുകയില്ല. എത്ര ജീവിതങ്ങളാണ് ഇങ്ങനെയിവിടെ ഹോമിക്കപ്പെടുന്നത്..!!

    ReplyDelete
    Replies
    1. സ്വന്തം കണ്ണിനു മുന്നില്‍ കാണുന്ന സത്യങ്ങള്‍ വിശ്വസിക്കാത്ത കാലമാണ് .....
      നന്മകള്‍ ഉണ്ടാവട്ടെ...അവര്‍ക്കെല്ലാം ..
      നന്ദി പ്രദീപ്‌ :)

      Delete
  10. എത്രയോ മോഹനന്മാര്‍ ഇനിയും ബാക്കി....

    ReplyDelete
    Replies
    1. ബാക്കി അനേകായിരങ്ങള്‍ ആണ് ......
      നന്ദി അന്‍വര്‍ക്കാ :)

      Delete
  11. വായിച്ചു.

    ReplyDelete
    Replies
    1. നന്ദി ഹരിനാഥ് :)

      Delete
  12. പ്രവാസം ഒരു ചിതയാണ്. സ്വപ്നങ്ങളും ആഗ്രഹങ്ങളും ആശകളും ഒക്കെ പച്ചയ്ക്ക് കത്തിയെരിയുന്ന, ഒരിക്കലും തീയണയാത്തൊരു ചിത. അതില്‍ ഹോമിക്കപ്പെടുന്നവരും അതിനായ് ക്യൂവില്‍ നില്‍ക്കുന്നവരും..

    ReplyDelete
    Replies
    1. അതെ...ചിതയും ഒരു കെണിയും കൂടിയാണ് ..!
      നന്ദി ശ്രീകുട്ടന്‍ :)

      Delete
  13. Replies
    1. നന്ദി കൊച്ചുമോള്‍ :)

      Delete

അഭിപ്രായം , അത് എന്തുതന്നെ ആയാലും തുറന്നു പറയൂ ,
ധീരതയോടെ...അതാണ്‌ എനിക്കിഷ്ടവും!
thankz in adv ;)
(സ്മൈലിയില്‍ ഞെക്കിയാല്‍ അതിന്‍റെ കോഡ് കിട്ടും !! ഒരു സ്പ്യ്സ് ഇട്ടതിനു ശേഷം സ്മൈലികള്‍ ടൈപ്പ് ചെയ്യാവൂട്ടോ ! )